" />

الاساطير الاغريقية (ماوراء الاوليمب) #1

1 min


145
920 shares, 145 points
الاساطير الاغريقية (ماوراء الاوليمب) #1 - الاساطير الاغريقية (ماوراء الاوليمب) #1
الأساطير الإغريقية

كان بيعتقد الأغريق أن الكون ده نشأ من العدم ومكنش فيه أى حاجه خالص, بداية النشأة كانت أية ؟؟
كان موجود الظلام (إريبوس) والليل (نوكس), الظلام ده كان مذكر أما الليل كانت أنثى فطبيعى أيه اللى هيحصل ….؟
تزوج الذكر من الأنثى نتج عن هذا الزواج بيضة فقست بعدها . عشان يشرف ( إيروس)
طيب ليه بقا كان إيروس أول الخلق ؟
كان إيروس طفل مجنح بيحمل معه الجعبة بتاعته اللى فيها الأسهم عشان يرشق بها القلوب وتتملى القلوب عشق ويبقا فى حب وتزاوج بين الذكور والإناث (أمال الناس هتجوز إزاى)
أول من تزوجا السماء (أورانوس) الذكر والأنثى (جايا) الأرض ونتيجة الزواج الجميل ده بقا كان فى أبناء كتير على أشكال وألوان…..
مسوخ (مائة ذراع وخمسين رأس أشاكلهم قبيحه والرأس الواحدة بضخامة الجبل)
المردة (عين واحدة فى منتصف الجبهة ) كيكلوبيس
التياتن ( كانوا الأجمل وكانوا عددهم 12 ستة ذكور و ستة إناث وكانوا فى صورة بشر وكل ذكر تزوج بانثى )
هنا بقا اتشكلت الأرض ….. انفصلت السماء وصعدت الشمس والقمروالنجوم أعلى وبينما هبطت
الأحجار والجبال والأشجار والماء إلى الأرض,,
و أورانوس (السماء) مكنش عادل بين أولاده ومكنش بيحب المسوخ ورمهاهم فى جوف الأرض,….
وساب أولاده الباقين أحرار بس جايا (الأرض ) الأم بقا مينفعش تسكت دول عيالها برضو….
قامت محرضة باقى أولادها على أبوهم واللى سمع الكلام بقا كان (كرونوس ) الزمن….فطعن أبيه وسالت دمائه على الأرض اللى هى اصلا (جايا ) والدماء وصلت لجوف جايا ……
ايه اللى حصل ؟؟
أنجبت جايا جيل جديد من المردة والعمالقة والحوريات بالأضافة الى نشاة أفروديت وهنتكلم عليها فى وقتها….

كرونوس الزمن (ابن أورانوس واللى قتل أبوه ) تزوج ريا …. بس هو يعنى كرونوس هيكون احسن من أبوه جاتله نبؤءة بتقول أن نهايتة هتكون على يد أحد أبنائه ,فقرر التخلص من أبنائة جميعا . إزاى بقا ؟؟؟
كان يبتلع الذكور فى جوفه فور ولادتهم . …
طيب ريا هتسكت على الموضوع ده ؟؟؟
فى المرة الأخيرة بقا ريا أعطتت كورنوس حجرا ملفوفا بدلا من الطفل …..(هنشوف المنظر ده مصور فى الفن )
وارسلت الطفل الى جبل إيد طيب هيعيش هناك مع مين ؟؟
هناك بقا تولت حوريات الجبل رعايته وتولت العنزة (اماليا) إرضاعه .
تفتكروا الطفل ده هيكون مين ؟؟
الطفل ده بقا هيكون (زيوس) كبير الأرباب

زيوس هيكبر وهيبقا عايز ينتقم من أبوه هو كمان .
هيحصل إزاى بقا ؟…. زيوس هيشتغل ساقى عند أبيه يقدم له الشراب وفى مره من المرات هيقدم لكرونوس شراب من عسل النحل مخلوط بالملح والخردل …..
فتقيأ كل ما فى بطنه من أبناء وكلهم خرجو ا ولديهم رغبة فى الأنتقام من ابيهم أيضا.
النتيجه هتكون اية..؟؟
هنا بقا قامت الحرب بين زيوس واخواته من جهة وكرونوس اللى هو أبوهم واخواته من التياتن ماعدا اتنين منهم من جهة أخرى…
استمرت الحرب مدة عشرة سنين عرفت المعركة باسم (معركة التياتن) كان كرونوس ومعاه أخواته من التياتن والمردة ماعاد اتنين وساعد زيوس فى المعركة الأخوين اللى انشقوا عن ابيهم كرونوس وهما (بروميثيوس) و (ابيميثيوس) وكمان ثلاث من المسوخ ذوى المائة ذراع وكان معاه خمسة من اخوتة هاديس… بوسيدون… هسيتا ….ديميتر …هيرا
و فى النهاية بينتصر زيوس ويكون مقره هو وفريقه جبل اوليمب, (لم يهتم الفنان بتصور هذة المعركة كثيرا لأنه هيهتم بمعركة تانية جاية فى السكة بس صور الصراع بين زيوس وكرونوس فى صورة بدائية)

زيوس كبير الجيل الجديد من الألهة .
وهنا بقا ظهر عندنا مجمع للألهه وكان عددهم 12 ,وكان على رأسهم زيوس, هيرا, بوسيدون ,ديميتر , أفروديت , هيفايستوس أو (ديونيسوس), أبولون ,آرتميس ,أثينا ,هرميس ,هيستيا
وكل واحد منهم ليه أسطورة لوحده هنتكلم عنها فى وقتها
تفتكروا الجيل الجديد ده هيكون شكله أية..؟

الجيل الجديد من الالهه كان شبه البشر فى الفكر والوجدان وكمان فى الشكل طيب أيه اللى هيميزهم ؟؟
اتميزوا بالخلود وكمان لهم قدرات خارقة ,, فكل واحد من الالهه ليه قدرات فى مجال سيطرتة . وقدرات عامة تقدر كل الألهه تعملها….
طيب زى ايه مثلا؟؟؟
كانت تقدر الألهه تقطع مسافة كبيرة فى وقت قياسى جدا,,, أو أنهم يعرفوا أسرار البشر وهم فى السماء , ,,أوممكن يحولوا نفسهم إلى صورة حيوان أو طائر ليخفى شكله وحاجات تانية كتير,,

كان البشر بيحبوا آلهتهم ويحبوا يتشبهوا بيهم مش بس كدا كانوا بيحاولوا يتقربوا منهم ويعملوا علاقات وصداقات مع الألهه ……
طيب الدنيا كانت ماشية تمام كدا بين الألهه والبشر ؟؟؟
أكيد لا طبعا
كان بيحصل تمرد على الإله من البشر وفى الحالة دى انتقام الإله بيكون شديد,, (هنشوف ده قدام )

لما كانت الألهه تمثل فى صورة البشر بالإضافة الى الصفات السابق ذكرها كمان كانت بتحمل بعض صفات البشر ,,,,
هنلاقى فى أالهه تخلوا عن الفضيلة مقابلة لشهوة غريزية أو رغبة فى الانتقام!!!
هنلاقى إيريس (إلهة الشر) وهرميس (إله اللصوص)
كمان لم تسلم الألهه من الإعاقة الجسمية عندنا هيفايستوس (الأعرج) .. وكمان ديونيسوس
طيب مجمع الألهه دول كلهم هيعيشوا مع بعض فى مكان واحد ؟؟
بنى كل إله قصرا لنفسه فوق الاوليمب حول القصر الكبير لزيوس وكان فى ألهه لها أكثر من قصر فكان (بوسيدون )وهو إله البحار له قصر فى أعماق البحار و(ديميتر) كان لها قصر أخر ,, أما (هاديس )فلم يكن له قصر على الاوليمب بل كان قصره أسفل الأرض فى عالمه الخاص (عالم الموتى)
طيب الالهه دى كانت بتاكل ايه وبتشرب أيه ؟؟؟
كان طعام الألهه (الأمبروسيا )ليس كطعام البشر وكان شرابهم (النكتار) ليس أيضا كشراب البشر
وكانت ساقيتهم الرشيقة هيبى تدور على الألهه فى اجتماعتهم تقدم لهم الشراب وكانت بتحرك فى خفة ورشاقة تكاد لا تلامس الأرض (كما فى الصورة ).
كانت هيبى مفضلة ومحببه لدى الألهه ومن شدة إعجاب الألهه بها ومدى مكانتها لديهم فأهدها الألهه لهيراكليس البطل المؤله فكانت أجمل هدية لهيراكليس فتزوجا وصعدا الى الأوليمب ,,,(كمان أهتم الفنان بتصور المشهد انظر الصورة)
عرفنا نشاة الكون والألهه كانت إزاى ..
تابعونا.المرة القادمة والأساطير حول عبادة الألهه


اعجبك الموضوع ؟ شاركه مع اصدقاؤك

145
920 shares, 145 points
عالم تانى هو بوابة علمية ثقافية تاريخية لاثراء للفرد والمجتمع العربي. القائمين على المحتوى مجموعة من الباحثين وهواة المعرفة لنشر العلم والثقافة والتاريخ بمختلف وسائطه. عالم تانى مجتمع ثرى بالمعلومات والأبحاث, ليس ذلك فحسب, بل وايضا بالمواد الأدبية كالشعر والروايات وعالم السينما, لنقدم للفرد والمجتمع العربى وجبة دسمة وغنية بالعلوم والفنون والمعرفة فى اّن واحد.

0 Comments

شكرا للمشاركة